ITANAGAR | January 24: City te howa ekta khatna te, Kendra Vidyalaya-II laga 70 jun nisina students bokhi kena bera Arunachal Pradesh State Transport Services (APSTS) bus toh Wednesday te Chandanagar te accident hoise.
Tate khobor ase ki panch jun manu accident te jokhom paise. Hoilebi, bus te sob students toh asurit pora kono bi jokhom powa nai.
Itanagar police station laga officer-in-charge, Tabi Bage pora khobor dise ki registration ARX-0449 thora APSTS bus toh KV-II laga students khan ke ghor ponchai bole wapas jai thakise, etu samoy te bus laga brake fail hoise. Bus pora dolong ke nalagiya aage te Tata Sumo, ekta Maruti car aro ekta scooter ke lagaise aro jarjun manu jokhom paise.
West Siang district laga Kamba pora Jumker Likar (19 saal) laga naam pora ekjun rasta te berai thakiya manu math ate biya pora jokhom paise.
Etu jarjun jokhom powa manu toh phat oladise aro matha te biya pora jokhom powa manu toh Guwahati laga GNRC te bothaise, Bage pora koise.
Section 279, 338 IPC laga nije te pora Itanagar Police Station te case toh register korise aro driver ke thorise, Bage pora etu bi koise.
APST Station Superintendent Tuter Dolum pora koise ki etu accident howa laga karan toh technical defect ase. Olop thaki kena, baccha khan ke othaibole ekta bus bothaise.
Add Comment