Tehran: July 20, 2020.Iran te novel coronavirus bemari tuh 25 million manuh logot laki-kena ase koikena President Hassan Rouhani para koishe. “aro 30 aro 35 million manuh khan logot etu bemari tuh lakibo” President Rouhani para Saturday din kowah Health Minister para janai thishe. “Minister laga report hesab te, ahiboli laga din te manuh khan hospital te loikena jaa tuh, pas(5) moina ake te manuh thaka logot be tui(2) par para besi wala hobo” koikena Rouhani para koishe. President para aro koishe ke, Iranian te saal kotom howah samay March 20 darik 2021 saal dak te be desh te etu bemar tuh thakibo. President para health authorities khan logot medical equipment thiboli koishe aro COVID-19 elach soruh kurikena bemari tuh komti hobole kam kuriboli koishe.
Saturday din dak, Iran te COVID-19 bemari case tuh 271,606 khobor ase aro 13,979 manuh morikena ase koishe.
Add Comment