Saudi King Salman bin Abdulaziz, hospital te admitted hoishe

Riyadh: Saudi Arabia laga  84 umer ruler, King Salman bin Abdulaziz, tuh capital Riyadh laga  hospital te admitted kurishe. Tai tuh gall bladder para bemar ase koikena Monday din state news agency para khobor thishe. King para Duniyaa laga sobse tangor oil exporter aro United States logot 2015 saal para sati thaka manuh tuh medical checks kuriase koikena agency para koishe, aro tai bemar laga eku details janai deya nai. King Salman tuh, Islam’s holiest chaka laga manuh ase, aro tai tuh 2-1/2 saal neshina Saudi crown prince ase aro tai King nahowah ake te 2012 saal para deputy premier thakishe. King Salman tuh, Riyadh region te 50 saal oper governor be kuri thakishe. Defacto ruler aro kuan next te crown prince, hobole thaka tuh Mohammed bin Salman, aro tai ke MBS be koi, tai para desh tuh bhal para bonaikena desh laga economy botli kuri thishe aro tai tuh oil te “addiction” ase koishe. Etu 35 umer prince tuh jawan Saudis major te besi popular ase, aro tai tuh ghor pithor te Muslim desh te social restriction thaka nemite nam be kamaish. Tai para maiki khan logt rights besi dey aro  economy ke bhal kurikena tangor bonai ase koishe. King para tuh ghor pithor aro bahar laga kam tuh besi botli kuri thishe, saal besi para saikena ahishe koishe. Hoilebi, desh para media khan ke control kurikena aro kingdom te kuan  manuh para oppose kuri etu khan ke besarai nemite dhuk ase koishe.