Bangladesh para China laga Sinovac COVID-19 vaccine trial kuriboli manishe

Dhaka: July 20, 2020.Bangladesh te China laga Sinovac Biotech Ltd, para bona COVID-19 vaccine tuh third-phase trial kuriboli manishe koikena Monday din te officials khan para jani thishe. South Asian desh te manuh besi thaka nemite bemari tuh othiase koishe. Sinovac khan para China laga bahar te volunteers besari ase, keli koile tai khan laga chaka te coronavirus bemari cases tuh kotom hoikena ase koikena Bangladesh laga COVID-19  national technical advisory committee para koishe. International Centre for Diarrhoeal Disease Research, Bangladesh (ICDDR,B) para aha moina te trial kora suroh kuriboli koishe. Director of the Bangladesh Medical Research Council (BMRC), Mahmood Uz Jahan para Reuters logot koishe ke, “moi khan para trial laga research protocol tuh saikena ethical permission thishe”. “International Centre for Diarrhoeal Disease Research, Bangladesh (ICDDR,B) para Bangladesh Medical Research Council logot protocol deya tuh, 4,200 volunteers khan logot applied kuriboli ase, aro atha neshina ke vaccinated kuri thibo”.Etu trial tuh Bangladesh laga  capital Dhaka te seven COVID-19 hospitals te lokai-kena kam kuribo, koikena International Centre for Diarrhoeal Disease Research, Bangladesh (ICDDR,B) laga officials khan para koishe. Bangladesh te coronavirus bemari cases tuh 204,525 paikena ase 2,618 manuh khan morikena ase. Sinovac para koishe ke, etu moina Brazil te potential coronavirus vaccine Phase III trials kora soruh kuribo. Bangladesh laga senior kealth ministry official para koishe ke, desh te vaccine bonaboli tuh besas ase aro trials kora samay kam hobo koikena janai thishe.