Press Release: Grabd PTM, GMS Khriezephe, Chumoukedima 

October 10, 2024, 03:38 PM: Parent khan ke sensitize kurishey, ekta bhal atmosphere banaboley ghor tey, eneka hoiley hey, itu student khan toh dhanti para puriboley paribo, eku distraction khan nahoi kena. Itu grand PTM laga agey para bhi, constant communication khan toh hoiley thakishey, itu parent khan khan logotey, tai khan ke itu discipline karney modod kuriboley, tai khan laga ward khan (bacha) khan laga, alag alag area khan tey – puria-likha,  sathi – sathini laga circle, saph-saphi thaka laga, khan nishina tey, itu PTM tey ama-baba khan ke itu student khan laga progress opor tey update kurishey aru ekta dedicate thaka STUDY SPACE bhi banaboley karney remind kurishey, ghor tey. Poila laga meeting tey aru phone tey kotha kuria khan tey bhi, follow up khan kuri thakishey, teacher khan para itu parent khan ke guide kurishey, ki ki laga material khan toh lagi asey, itu puria-likha jaga banaboley, table, chair, bhal light thaka khan aru ekta routine nahoiley time table bhi banai kena rakiboley laga, bacha toh agey bariboley.