October 10, 2024, 03:29 PM : Ekta tragic ghatna tey, kotey toh hoiley ekta 32 seater laga private bus asey St. Joseph’s College, Jakhama laga, utu toh accident hoishey koishey, Vivori Lounge aru Dimori cove tey para overtake kuria hoa homoi tey, Kigwema bosti osor phaney, Kohima laga, itu accident toh hoiley 02:00 Pm phaney hoa laga thakishey koishey, 9th October, 2024 tey.
Shuru shuru laga report khan para indicate kurey ki, 25 student khan para bhi bishi student khan toh jokhom pai kena asey, dui jon toh serious condition tey asey aru tai khan ke toh hoiley ICU tey admit kuri di kena asey. Itu jokhom hoi kena thaka khan ke toh Jakhama laga Army Camp Hospital tey loi jaishey, emergency medical care nimitey.
Emergency responder khan, itu Southern Angami Youth Organization (SAYO) aru youth volunteer khan laga member khan milai kena, aas paas laga bosti khan para, mobilise kuri di kena asey, itu rescue effort khan assit kuriboley karney. Itu district laga administration para personnel khan logotey, itu Khuzama police aru traffic police para, South Police Kohima para, itu accident hoa jaga tey visit kurishey, itu situation ke assess kuriboley karney.
Add Comment