New Delhi, 2 July : Project Hail Mary, etu saal laga sob pora successful films majote ekta, etiya finally streaming te ahibole ase. Ryan Gosling lead role te thaka etu sci-fi adventure film te tai ekta science teacher hisab te Earth ke bachabole mission te jai. Film tu critics para bhal reviews paisey aru theatrical run somoi worldwide te $600 million pora bishi collect korisey.
Wednesday din, Prime Video announce kori dise ki Project Hail Mary July 3 din worldwide platform te release hobo.
Film tu filmmaker duo Phil Lord aru Christopher Miller direct korisey. Screenplay Drew Goddard adapt korisey, aru Amy Pascal, Ryan Gosling, Phil Lord, Christopher Miller, Andy Weir, Rachel O’Connor aru Aditya Sood produce korisey.
March 20 din release hoa pichete, Project Hail Mary spring box office laga sob pora dangor success stories majote ekta bani jai ase. Film tu worldwide te $683 million pora bishi collect korisey.
Film laga visual effects aru Rocky nam laga alien character design khub bhal appreciation paisey. Bishi viewers para koise ki IMAX te etu film dekha experience “unparalleled” ase.
Amazon MGM Studios etu saal awards season te Project Hail Mary ke strongly push koribo kuina jana jai ase.
Release hoa age, Hindustan Times logot kotha pati thaka somoi, directors khan Rocky character laga design aru characterization laga kotha patise.
James Ortiz para voice diya Rocky film laga ekta important character ase. Tai Ryan Gosling laga character Ryland tai laga mission aru mental stability duita karone bhi khub crucial role play korisey.
