New Delhi, 1 July : Village People laga lead singer aru founding member Victor Willis 74 saal umor te muri jaise. Tai 1977 te French producers Jacques Morali aru Henri Belolo logot milikina iconic disco group Village People start kori thakise. Tai laga death band laga official Facebook page pora announce korise.
Texas te jonum hoa musician tu band laga sob pora dangor global hits nisina Y.M.C.A., Macho Man aru In the Navy co-write kori thakise.
Band te original six members thakise, aru alag bishi manu ek-ekta distinct American macho-man character represent kori thakise. Victor lead singer hisab te Policeman/Naval Officer character represent kori thakise. Tai logot Felipe Rose (Native American), Alex Briley (Soldier/Sailor), Glenn Hughes (Biker/Leatherman), David Hodo (Construction Worker) aru Randy Jones (Cowboy) bhi thakise.
Victor 1980 te group tu chari dise, kintu 1980s te olop somoi karone phir ghuri ahise. Pichete 2017 te tai permanently group te join kori dise.
2017 te News.com logot kotha pati thaka somoi, Victor Y.M.C.A. koise, “Etu gay song hisab te likha kora nai, simple karone hoile moi gay nohoi.”
Tai aro koise, “Moi etu song tu nijor youth somoi urban neighbourhoods te saathi khan logot hang out kora memories uporte likhise. ‘You can hang out with all the boys’ mane moi aru mor friends khan Y te basketball khela kotha ase. Kintu moi etu song tu eneka likhibole mon thakise kitia kunba manu bhi nijor lifestyle logot relate koribo pare. Gay community etu ke nijor anthem hisab te loi loise dekhi moi khushi ase, etute moi eku problem nai.”
2015 te San Diego Tribune logot kotha pati thaka somoi, tai koise, “Lesson tu hoile: Ketia bhi give up nokoribi. Kiman din lagibo etu bhabi thakibo nalage. Faith rakhibi aru hopefully sob bhal hobo. Khali dhori thakibo lage. Bee Gees laga ‘Stayin’ Alive’ mor favourite songs majote ekta ase; kiman din jinda ase, sob kunba possible ase. Itu homoi phir kam koribole chance pai.”
Tai aro koise, “Moi mon ase manu khan moi ke eneka ekjon manu hisab te mon rakhibo, juntu music business pora ulai jai thakise kintu ketia give up kora nai, aru phir ghuri ahi successful hoi manu khan ke hasi dibole kunba kori dise.”
