New Delhi, 1 July : Samantha Ruth Prabhu Maa Inti Bangaaram te nijor full potential nadikhai age, Telugu cinema te female-led films karone Anushka Shetty aru tai laga 2009 film Arundhati gold standard hisab te mana jai thakise. Hero-centric films dominate kora somoi te, Anushka dangor-scale films aru powerful roles pora nijor alag naam bonai thakise. Etyia Maa Inti Bangaaram etu 17 saal purana record bhangi dise.
Maa Inti Bangaaram June 19 release hoa pichete worldwide te ₹83 crore pora bishi gross collect kori dise aru India te ₹50 crore net cross kori dise. Etu logot film tu Telugu cinema history te highest-grossing female-led film bani jai ase.
Samantha laga production house Tralala Moving Pictures bhi etu khobor confirm kori koise, “Bangaaram golden letters te history likhi dise. Maa Inti Bangaaram Telugu cinema laga highest-grossing female-led film bani jai ase.”
Maa Inti Bangaaram record na bhangai age, Kodi Ramakrishna-directed Arundhati, juntu te Anushka Shetty aru Sonu Sood thakise, etu record hold kori thakise. Film tu etiya pora hisab te lagbhag ₹70 crore worldwide collect kori thakise, juntu etu somoi te female-led film karone unimaginable amount ase. Film tu bishi saal dhori record bachai rakhise.
Kunba manu kobo pare ki Nag Ashwin laga 2018 film Mahanati etu record age bhangi dise, karon film tu ₹75 crore pora bishi collect kori thakise. Kintu Keerthy Suresh logot Dulquer Salmaan, Samantha, Vijay Deverakonda aru dangor ensemble cast bhi thakise.
Eki nisina, Gunasekhar laga 2015 film Rudhramadevi worldwide te ₹86 crore pora bishi collect korisey. Kintu etu film te bhi Anushka logot Allu Arjun aru Rana Daggubati support role te thakise.
South India te etiya bhi highest-grossing female-led film Lokah: Chapter 1 – Chandra ase. Dominic Arun-directed Malayalam hit film te Kalyani Priyadarshan aru Naslen lead roles te ase. Dulquer produce kora etu film worldwide te ₹300 crore pora bishi gross collect kori dise.
Interviews te cast aru crew khan bhi koise ki film etia nisina dangor collection koribo kuina tai khan expect kora nai. Dulquer koise ki superhero universe establish koribole tai loss bhi loi lobole ready thakise.
Maa Inti Bangaaram ekta action-comedy-drama film ase, juntu Nandini Reddy direct korisey. Film tu Samantha Ruth Prabhu, Raj Nidimoru aru Himank Reddy Duvvuru para Tralala Moving Pictures banner niche produce kora ase.
Film te Samantha lead role te ase, aru Gulshan Devaiah, Diganth Manchale, Sreemukhi, Manjusha Mukkavilli, Gautami aru bishi actors bhi ase. Film tu release hoa pichete bhal reviews aru positive word-of-mouth paisey.
Film release hoa pichete ulai ahise ki Samantha pregnancy somoi te bhi film laga kunba portions shoot kori thakise.
