Shimla: Monday din Union Minister of State for External Affairs General VK Singh para kowah toh, Pulwama terror hamla bechide Pakistan toh international para ekta hoijaishe.
Media manu khan logode minister para kowah toh, 40 para be opor deh khan ektum gara para Pakistan logode kelaaf korikena ase.
Tai para kowah toh, “External aro diplomatic policy deh India logode support powah toh ektum dangor jeta laga ase. Mumbai 26/11 hamla bechidebe support powah toh sobse besi wala ase”.
Mr Singh para kowah toh, etu par CRPF logode hamla howah ke butla lobo karni India para time aro jaga toh junibo lagibo.
Tai para kowah toh, force khan para plan kora ke manibo lagi aro jetibo karni thek para plan koribo lagi. Etu plan toh danda para hobo lagi aro eku dara-dari nahobo lagi.
Tai para kowah toh, “USA khan Osama (Bin Laden) Pakistan deh lokai kena thaga jana bechidebe dara dari kora thaga. Ami khan rokhi kena sai thakibo aro force khan logode support debo”.
Mr Singh para kowah toh, Article 370 hataidebo karni sob political parties laga support lagi. Mr Singh para be jowah kali Himachal Pradesh deh BJP’s ”Bharat Ke Mann Ki Baat, Modi Ke Saath” campaign suru kora ase.
Add Comment