New Delhi: Jowah kali security force para Jaish e Mohammad laga top terrorist moraidese. Pakistan-based group para February 14 direk Pulwama jaga deh suicide bomb hamla kora karni 40 Indian sepai mora thakise. Jowah kali morning Pulwama jaga deh tuita theorists laga ke ekta Kamran toh 12 khonda majode moraidese. Etu manu toh Jaish-e-Mohammed chief Maulana Masood Azhar laga close helper thaga ase. Tusara Afghan bomb specialist top Jaish terrorist be Ghazi Rasheed jaga deh moraidese. Terrorists sabha kori thaga time de force khan be ektum dangor lost hoise. Encounter time deh Indian sepai be tinta morise. Kamran toh Pakistani Jaish-e-Mohammad laga “chief operational commander” thaga ase.
Khobor hesab deh tai logode besara toh sal-sal lagise aro tai bosti para bosti terror logode recruit koribo karni jaa thakise.
Tai para 40 CRPF 40 sepai moraidese koikena biswaas ase. Jowah sal Jaish deh join howah 19 sal Adil Ahmad Dar para suicide bomb toh hamla kora ase. Tai para 60 kg RDX toh tai laga car deh bokhi kena hamla kora ase aro etu toh Jammu and Kashmir deh sobse katharnak wala hamla ase.
Encounter deh 55 Rashtriya Rifles CRPF laga two battalions aro Jammu and Kashmir police laga Special Operation Group toh melikena thakise.
Add Comment