Pune te rati samai curfew

Pune: Maharashtra laga city pithor te Pune toh Covid-19 sobse beya khobor jaiase, etu nemite aha kali para 6pm para 6 am dak rati curfew koriboli fesla korishe. (Saturday, April 3) darik para Hotels, restaurants, bars, shopping malls, markets aro religious jaga toh komti hoilebi ek hafta neshina bondh koribo, koikena Pune district administration para khobor toh junaishe. Administration para kali home delivery neshina khana, tawai aro dosura lakai saman toh kuli-thibo. Pune district te 8,011 neshina notun coronavirus cases toh Thursday din te thurishe, etu sob melaikena 5,42,422 cases neshina ase, koikena health official para janaishe. Etu district te tui(2) paar wala ase ke bemari cases toh 8,000 neshina paishe. Wednesday din district te 8,605 notun bemari cases paishe, jowa saal bemari soruh hoikena sobse besi cases ek din pithor te paishe. Pune laga osor Pimpri Chinchwad town te, 2,113 notun cases khobor paishe, etu melaikena 1,42,251 cases hoishe. Etu samai, Maharashtra Chief Minister Uddhav Thackeray para state logot 8.30 pm te kotha koriboli ase. State te strict restrictions nahoile lockdown thakiboli toh tai para etu samai janai thiboli ase koishe