Tsungkamnyo-cum-Mini Hornbill Festival, kuntu toh Yimkhiung tribe laga ekta dangor cultural celebration asey, etu tu 15th January te Pungro Town laga local ground te suru hoisey. Etu 3 day event tu 15-17 January 2025 tak hobole asey kuntu te tradition, unity aro cultural heritage celebrate korey.
Etu event tu khuri laga drum marikina suru kurisey, kuntu toh ekta ceremony asey. Gaon Buras Union Pungro Sub-Diviison para takat aro community dikha ke symbolize kora ekta ceremony kurisey. Rev. Bumbah, Salomi Baptist Church laga Pastor para dedicatory prayer kurisey. Etu picheyte, Head GB Pungro, Yansomong para traditional blessings pronounce kurisey.
Etu event laga message tu Hosito Elias, Organizing Committee laga convener para disey. Kun para Yimkhiung tribe laga culture aro etihas ke bachaikina rakhibole kiman jaruri asey etu laga bari te koisey. Elias para etu tribe laga maaf kuridiya aro wapas milija laga values highlight kurisey. Tai tu etu tribe para jhagra kurithaka busti majotey shanti anibole aro poila dushman thaka manu khan majotey dosti banaikina rakhibole nimitey bara-khana rakha laga nyom laga bari te koisey. Tai para youth khan ke taikhan laga cultural heritage sikhibole aro apnabole aro taikhan laga nyom aro tradition te garv mehsoos kuribole nimitey bi encourage kurisey.
Etu event te Pungrowong tribal baccha khan para khuri laga drum marisey, Penkim busti para folk song kurisey, M. Torila laga folk fusion kurisey, Khongsa village para western musical performance disey aro Tsuyinla para folk fusion present kurisey.
Add Comment