Putin para tactical nuclear weapons deploy koribole ase Belarus te

Agencies, 26 March: Larai kori kena etiya 13^th moina hoise aro Russian President Vladimir Putin para Saturday te tai para tactical nuclear weapons toh neighbour laga territory aro ally Belarus pithor te deploy koribole ase koise.

Putin para AFP te report te, yati unusual toh nai koise. United States toh etu besi saal nemite kori ase koise. Tai khan para tai khan laga allies laga territory te tactical nuclear weapons rakhise koise.

Putin para be tai toh etu opor te Belarusian President Alexander Lukashenko logote kotha kora be korise koise aro tuita leaders para etu te koribole manishe koise.

Russian President para threatened korise judi West para Kyiv te enaka weapons paile depleted uranium weapons pothabole. Tai para be tai khan ke enaka shells toh hundreds of thousands ase koise. Ami khan para tai khan ke jola nai koise.

Hoilebe Putin para koise etu para non-proliferation agreements te violate nakoribo. State television logote kotha kora te Putin para koise, Lukashenko para lamba samai para Belarus te stationing tactical nuclear weapons laga issue othaise koise.

Putin hisab te, July 1 para, Russia para ekt afacility toh Belarus te bona kothom koribole ase tactical nuclear weapons store koribole nemite.

Tai para koise, Moscow par poila Belarus te ekta number of Iskander tactical missile systems toh deshe, etu toh nuclear weapons hamla koribole nemite jolabole pari koise. Putin hisab te, Russia para Belarus te ten plnes rakhise. Etu para tactical nuclear weapons bokhibole paribo koise.

Monday te Britain para janai deya te, tai khan para Ukraine te hatiyar toh depleted uranium logote thaka deya jnaise. Etu laga density aro tusara characteristics nemtie, heavy metaol toh weaponry te jolaise kelay koile etu para readily armour aro tanks te enter koribole para nemite.

Putin para be British para Ukraine te enaka ammunition toh transfer koribole bhabona opor te janai deya thakise aro Moscow toh thek action lobole nemite compelled howa warned korise kelay koile enaka weapons te ekta nuclear component thaka nemite.

Russian President Vladimir Putin para Britain te criticism bechae te Ukrainian forces te depleted uranium deya nemite, Britain’s Foreign Secretary James Cleverly para Wednesday te Ukraine war te nuclear escalation toh nai koise.