DOHA, OCTOBER 28 : Qatar desh te Visa System laga chamala besi ulai kena thakise. Etubi tai kan desh pora ulaijabole karne. Kele tusera desh pora tai kan Qatar desh te kam kuribole aha kan toh neju desh te wabas jaijabole karne tai kan Bosses laga permission lobole kuribi koi kena kanoon manai kena ase. Etu karne besi jun khushi nabai kena ase. Huilebi edia toh Sunday din te kotha ula hisabte etu kanoon toh botli huijai ase koi kena, tai kan desh Sorkar pora janaise.
Interior Ministry pora Twitter te kotha lekhe kena bataidiya hisabte Law No. 13, 2018 sal laga hisabte tusera jaka pora aha kan nemite Entry, Exit aro Residency laga kanoon toh botli kuride ase koi kena janaise. Etu ke sob kobi huilebi 5% kan tai kan desh laga Company’s Workforce nemite thaka kan Employers kan laga permission lui kena jaijabole bari. Etubi Most Senior Positions nemite thaka ke asul te etu notun kanoon manaide ase koi kena janaise. Aro kun-kun ki nemite bi jaijabole nade kena thakise koile tai kan Expatriate Exit Grievance Committee ke complaint kuribole bari koi kena janaise.
Etu chamala nemite bi Human Rights Group kan pora etu Desh ke besi kotha ulaide kena thakise. Etu pora etu Qatar desh toh besi diktar huikena aro mata khai kena thakise koise. Eneka huikena etu notun kanoon ulaide ase koise.
Add Comment