Rajniesh Duggall para koisey tai newcomer thaka nimitey Priyanka Chopra para tailogotey kaam kuribole mana kurisey koisey

New Delhi, May 26 : Actor Rajniesh Duggall, kun Mr. India aro Mr. International laga title dhurikina asey, tai tu 2005 te release huwa Priyanka Chpra laga film ‘Yakeen’ nimitey sign kora homoitey desh te already ekta top model thakisey. Hoilebi, Hidi film te tailaga entry nimitey tai bisi dangor badha jhelibole lagisey jitya Priyanka para last moment te tailogotey film te act kuribole mana kuridisey kilemaney tai ekta newcomer logotey kaam kuribole mon thakanai. Siddharth Kannan logotey baat-chit kora homoitey recently, Rajniesh para tailaga first Hindi film para taikey olaidiya nohoilebi cancel kuridiye laga experience aro etu para taikey kinaka asar kurisey etu laga kotha koisey. Tai para koisey, “Yakeen nimitey ami first choice thakisey, amikey etu film nimitey sign kurisiley. Aro ami tu etu film nimitey kaam bi kuri thakisey. Jitya ami director Girish Dhamija ke lok kurisey, tai amikey hudisey ki ami Mumbai te kitya ahibole paribo. Ami poila para Mumbai te buhibole plan kurikina thakisey. Toh, amikey Girish Ji nijor para training disey; tai tu National School of Drama laga student aro ekta dialect coach thakisey.” Already bisi invest kurikina thakisey. Rajniesh Duggal para share kurisey ki etu film laga producer para tailaga opor te bisi invest kurisey. Taikey Juhu te thaka penthouse(alishaan ghor), ekta chauffeur para chola car aro ekta cook disiley. Tai etu film nimitey 2-2.5 moina tak training paisey. Etu picheyte achanak para producer Sujit Kumar Singh para rati te tailaga office te matisey. Aro koisey ki taikhan para Rajniesh ke sign kurikina thaka homoitey Priyanka tu ekta dangor star hoijaisey aro taikhan para etu dangor deal nimitey taikey poisa pay kuridisey. Aro etya tai tu ‘ekta newcomer logotey kaam nukuribo’ koi asey koisey. Tailaga first reaction tu maiki ke change kuribi enaka thakisey koisey kilemaney tai para taikhan ke khali tailaga opor te hey poisa fela dikhisey.