New Delhi, May 23 : Reality show, Big Boss tu OTT version laga third season logotey wapas ahibole asey. Hoilebi Bollywood superstar Salman Khan tu etu show laga host hoikina wapas ahibole nohoi. Report hisap te Salman Khan para BigBoss laga nutun season para olaija tu ekta film nimitey asey.
Ekta source laga hisap te, Salman tu Big Boss OTT laga third season host nukuribo. Tailaga bodli te, actor Anil Kapoor tailaga bodli te host hobole asey.
Etu source para koisey, “Etya, Salman tu tailaga nutun film, Sikandar laga tayari kurithaka te focus kuri asey. Etu film ke AR Murugadoss para direct kurisey. Aro tai para BigBoss season OTT laga third season host kora laga duty nuluwa laga etu ekta karon thakisey.
Etu source para koisey, “Salman para Sikandar laga shooting tu June moina te shooting kora suru kuribole asey. Aro etu para taikey Big Boss OTT para olaijabole disey. Film laga commitment logotey, Salman ke etu bi lagisey ki tai para TV te etu reality show host kurithaka nimitey ekey manu repeat kurithaka nisna bi dikhibo.
Aro ekta source para confirm kurisey ki etu bar Anil Kapoor para etu show host kuribole asey aro set te tai nijor laga ekdam alag character aro trademark anibole asey.
Add Comment