New Delhi, April 07 : Rajnikanth laga fan khan tu Sunday din te surprise hoijaisey. Rajnikanth laga next film ‘Vettaiyan’ bana manu khan para social media te etu film release hobole thaka laga ekdam nutun update share kurisey. Vettaiyan tu Rajnikanth laga 170th film asey. Etu film tu pura duniya te etu saal laga October moina te release hobole asey.
Lyca production para Sunday din te taikhan laga X account te Vettaiyan laga ekta nutun poster share kurisey. Etu poster te Rajnikanth tu kunba ke bunduk point kurikina smile kora dikhaisey. Tai tu kala sunglass aro ekta blue shirt pindikina thaksiey. Etu poster te enaka kotha likhikina thaksiey, “Cinema te October 2024 te pura duniya te release hobole asey.”
Ageyte, etu film laga production house para Rajnikanth laga 73rd birthday te etu film laga title teaser share kurisey. Vettaiyan te Amitabh Bachchan, Fahadh Faasil, Rana Daggubati, Ritika Singh, Manju Warrier aro Dushara Vijayan bi asey. Etu film laga music composer tu Anirudh Ravichander asey. Rajnikanth ke poila te Trivandrum, Tirunelveli aro Tuticorn film laga shooting te dikhisiley.
Add Comment