New Delhi, April 07 : Nag Ashwin laga, Prabhas, Deepika Padukone, Amitabh Bachchan aro Kamal Haasan thaka film Kalki 2898 AD tu May 9 te theatre te release hobole asey. Hoilebi, ahibole thaka Andhra Pradesh aro Telangana Lok Sabha election bi etu film release hobole homoitey hobole asey kuntu tu May 13 asey.
ETimes laga ekta report para dawa kurisey ki etya etu film tu May 30 te release hobole asey. Etu film bana manu khan para etu film ke theatre te smooth para chulibole dibole nimitey etu film laga release hobole thaka tarik tu olop hapta para postpone kuridisey. Etu kadam para, etu film ke duniya laga market te bi modod kuribo. Kilemaney Hollywood film The Kingdom of the Planet of the Apes bi May 9 te release hobole asey. Etu website para etu bi dawa kurisey ki etu film laga makers khan para distributor khan ke etu film release huwa tarik ke bodli kora laga jankari dibole suru hoisey.
Hoilebi bisi hapta para charcha chuli thaka laga bawajut bi, etu film laga makers khan tu official announcement kuribole baki asey. Etu film laga team para ekta khabri para enaka koisey, “Release date finalise huwa tu hosa nohoi, kilemaney etu film laga makers khan tu etya bi etu film kitya release hobole lagey etu discuss kuri asey. Etu tu hosa asey ki election para plan ke olta kuridisey hoilebi kun logotey bi etu film kitya release hobole asey etu laga clear idea nai. Jitya etu clear hobo, taikhan nijor para tarik announce kuridibo.”
Add Comment