New Delhi, April 08 : Vidhu Vinod Chopra laga film ‘12th Fail’ kuntu te Vikrant Massey aro Medha Shankar lead role te asey, etu film tu China te release hobole tayar asey. Etu film China te release hobole thaka tu Chopra la career te ekta dangor kamyabi hasil kora dikhai asey aro Indian Cinema laga global appeal ke highlight kuri asey.
Chopra, tu tailaga masterful storytelling nimitey jana jai, tai para Chinese laga audience khan ke ‘12th Fail’ film dikhabole kiman khusi asey etu jataisey. Tai para koisey, “Ekta filmmaker hoikina, ami para etu maney ki kahani kuwa tu border para bi paar hoi. China te ‘12th Fail’ ana tu khali nutun audience tak pungcha laga kotha hey nohoikina, duniya bhor te manu khan laga experience share kora laga bi kotha asey kuntu tu kuntu jaga hoise koilebi tatey taka was pungchabo. ‘12th Fail’ tu imandar manu laga kahani te adharit asey aro ami tu sure asey ki sob jaga laga manu khan para etu charcter khan laga struggle aro perseverance ke relate kuribole paribo. Chinese audience para etu logotey kinaka connect kuribo paribo etu sabole ami excited asey.”
‘12th Fail’ film tu 2019 te etu ekey naam te ola ekta book te adharit asey kuntu para IPS officer Manoj Kumar Sharma laga jibon aro dukh jhela ke depict kuri asey. Etu film laga kahani tu critics aro fan khan para bisi bhal lagisey.
Add Comment