Mumbai, March 22 : Ranbir Kapoor laga acting ke saikina etu tu secret nohoi ki audience khan tu ahibole thaka film Ramayan te taikey Lord Rama laga roop te sabole excited asey. Nitesh Towari para direct kora etu film te Sai Pallavi tu Goddess Sita laga roop te thakibole asey aro KGF laga actor Yash tu gunda, Ravana lag arole kuribole asey. ETimes laga ekta nutun report hispa te, TV serial actor Ravi Dubey tu etu film te Lakshman laga role kuribole asey. Report te enaka koisey, “Etu film laga maker khan akhirkar taikhan laga Lakshman paisey aro etu tu alag kunbi nohoikina TV serial actor Ravi Dubey asey. Najanikina thaka manu khan nimitey, Ravi Dubey tu serial jaiseki Ranbir Rano, Saas Bina Sasural aro 12/24 Karol Bagh te kaam kurisey. Tai para Rising Star 2, India’s Best Dramebaaz aro The Drama Company nisna bisi reality show khan bi host kurisiley.
Ekta source para poila te koisiley ki Ranbir aro Sai Pallavi para etu film laga shooting tu 2024 laga February moina fale suru kuribo. Etu film laga first part te Lord Rama aro Sita ke bisi focus kuribole asey. Taikhan duijun tu etu film laga shooting February para loikina August 2024 tak kuribole asey koi thakisey.
Add Comment