Mumbai, March 22 : Superstar Shah Rukh Khan, Kajol aro Shilpa Shetty laga film Baazigar tu cinema te re-release hobole pura tayar thakisey. Shah Rukh Khan para etu majadar news tu tailaga fan khan logotey share kurisey. Tai para instagram te enaka announce kurisey, “Utu homoi te wapas jabo jitya silver screen te jadu hoisiley. Apni khan ke amikhan laga Retro Film Festival te utu homoi relive kuribole invite kuri asey amikhan laga iconic Bollywood classic ‘Baazigar’ logotey. Etu jadu ke jibon te anibole moka pa manu hoikina ami para etu journey te apni khan ke join kuribole bisi khusi hoikina asey. Amikhan ekey logotey milikina Bollywood laga timeless era ke celebrate kuribo. Tai laga fan khan para excitement express kurisey.
Kajol aro Shilpa Shetty para bi etu announcement post kurisey.
Baazigar film tu November 12, 1993 te release hoisiley. Etu te Shah Rukh tu ekta anti-hero thakey. Etu film tu blockbuster hoisey.
Etu film ke director Abbas aro Mustan para direct kurisiley. Aro etya tak bi etu film tu etu laga dialogue aro gana khan nimitey jana jai.
Recently, Shah Rukh Khan laga 3ta film Pathaan, Jawan aro Dunki tu back-to-back hit hoisey.
Add Comment