Jitya Karan Johar para Rani Mukerji ke tailaga awas posond asey koikina koisey

New Delhi, March 24 : Rani Mukerji para Galatta India logotey kora ekta recent interview te Aamir Khan logotey Ghulam nisna film kora homoitey tailaga career laga suruwat te tailaga awas ke dub kora(matlab tailaga awas laga bodli dusra manu laga awas dhala) laga kotha kurisey. Tailaga experience laga kotha kurikina, tai para tailaga close friend aro director Karan Johar laga tailaga career te ki role asey etu laga kotha koisey. Rani para koisey ki Karan Johar tu first director asey kun para film te tailaga asli awas dhalibole faisla kurisey aro etu ke dub nukuribole.  Tai para koisey ki jitya Karan Johar para hunisey ki Rani laga awaste kunba dusra laga awas dhali asey Karan Johar tu puzzle hoijasey. Rani para koisey, “Ami para koisey taikhan ami laga awas bhal laganai hobo parey. Aro tai para koisey ami apni laga awas khusi pai; amilaga film nimitey apni para dub kuribo(awas dibo). Ami bis khusi asey ki Karan para etu ke pehchanisey. Kilemaney Kuch Kuch Hota Hai te bi amilaga awas ke dub kurisey koiley dusra manu khan kea mi laga awas wapas pabole convince kuribole bisi mushkil hobole thaksiey.”