New Delhi, March 24 : Randeep Hooda laga ‘Swatantrya Veer Savarkar’ tu Day 2 te Rs 2.25 crore kamaisey. Etu film ke Randeep Hooda nijor para direct kurisey, etu film te taikey dangor role te dikhibo. Tai para etu film nimitey tailaga gao ke ekdam bodli kuridisey.
‘Swatantrya Veer Savarkar’ te Randeep Hooda tu lead role te thakisey. Etu film tu first din te Rs 1.05 crore kamaisiley. Second din te, etu film tu Rs 2.25 crore kamaisey kuntu para taikhan laga total collection ke Rs 3.30 crore banaidisey.
Etu film laga trailer release huwa picheyte manu khan para etu laga bisi kotha kuri asey. Etu trailer te Hooda tu Veer Savarkar hoikina Kaala Paani jail te ekta jordar awas para kotha kurikina jai thaka dikhisey. Etu film te desh laga azadi nimitey larayi kora Veer Savarkar laga journey aro struggle aro India laga azadi te tailaga contribution dikhabole asey.
Randeep Hooda para tailaga film laga kotha kurikina koisey ki Savarkar tu India laga sobsey manu khan galat samjha freedom fighter asey aro etu film para tailaga asliyat janaidibo. Tai para koisey, “Etu tu bisi interesting, thrilling aro bhal para bana movie asey. Dusra tu, etu tu amikhan laga desh laga sobsey galat bhabna kora freedom fighter laga film asey. Apni para taikey ghing kurisey koilebi apni para etu saikina asliyat ki thakisey etu sabo lagey aro amikhan laga desh laga azadi nimitey kiman dukh kurisey etu sabo lagey.
Add Comment