Ram Charan para Pushpa director Sukumar logotey RC17 confirm kurisey

Mumbai, March 25 : Ram Charan para tailaga pipeline te nutun project thakikina tailaga 2024 tu busy hoikina asey. Tai para olop din ageyte tailaga nutun film RC 16 laga launch attend kurisey. Holi laga occasion te, Ram para tailaga fan khan ke tailaga nutun movie laga update kurisey. Tai para Rangasthalam director Sukumar logotey ekta nutun film nimitey tailaga latest collaboration confirm kurisey. 

Taikhan duijun tu Rangasthalam film te successfully kaam kuri loisey. Aro taikhan laga next film RC17 nimitey taikhan ke Mythri Movie Makers laga producer khan para modod kuri asey. Baki cast khan tu film maker para announce kuribole asey. RC17 tu 2025 laga last quarter te pura India te release hobole asey aro etu tu Ram Charan laga 17^th film hobole asey.

Sukumar tu Ram laga RC16 logotey bi attach hoikina asey kuntu ke Buchi Babu Sana para direct kurisey. Etu tu Vriddhi Cinemas aro Sukumar Writings laga joint venture asey. Olop din ageyte, tai para etu film laga set para picture share kurisiley. Etu film te Janhvi Kapoor asey kun Ram Charan laga opposite te first time act kuribole asey. Jr NTR laga film Devara picheyte etu tu Janhvi Kapoor laga second film hobole asey. 

Ram tu Magadheera, Yevadu, Dhruva, rangasthaalam aro RRR nisna popular Telugu film te tailaga role nimitey jana jai. RRR film tu Best Original Song nimitey ekta Academy Award jitisey.