New Delhi, March 25 : Taapsee Pannu para olop din ageyte Udaipur te tailaga ghor parivar aro close friend laga mojudgi te badminton player Mathias Boe ke shaddi kurisey. Etu couple para official announcement kuribole baki asey. Etu mota maiki laga shaddi hobole ageyte taikhan laga ekta mehendi aro sangeet ceremony hoisey. Taikhan laga shaddi hobole ageyte kora celebration aro shaddi tu March 21 aro 24 majotey hoisey. Taapsee laga Thappad film laga co-star Pavail Gulati aro tailaga sathi Abhilash Thapliyal aro screenplay writer Kanika Dhillon bi etu shaddi te mojud thakisey.
Mathias Boe para coach kora badminton player Satwiksai Raj Rankireddy aro Chirag Shetty bi etu shaddi te mojud thakisey. Etu shaddi ke The Wedding Factory para organise kurisey kuntu tu Taapsee, tailaga sister Shagun Pannu aro Farah Sood laga ekta event management company asey.
Tapsee aro tailaga mota Mathias Boe tu first 2013 te Indian Baminton League laga inauguration te lok kurisiley. Mathias Boe tu Lucknow laga team Awadhe Warriors laga hisa thakisey aro Taapsee Pannu tu chamions Hyderabad Hotshot laga brand ambassador thakisey.
Add Comment