March 26, 2024: Twilight laka star Robert Pattinson itia tho ekta baba hui shae. Actor aro taila singer-girlfriend Suki Waterhouse para taikan tho teetha laka family hui shae kui nah confirm kuri shae. Taikan tho etu hapta, bacha lokot deh LA deh bira diki shae, The Mirror para report kura isap deh. Olop piche deh tho bacha lokot deh taikan laka photo tho sob social media deh spread hui jai shae.
Nutun pictures kan dehm Robert tho ekta grey hoodie lakai taki shae tai lak matha bon kuri nah. Tai shorts aro ekta padded coat b lakai taki shae. Suki tho taila thik piche deh taki shae. Suki tho ektakala coat lakai taki shae, kuto tai grey trousers lokot deh pair kuri shae. Taijun b taikan laka matha deh baseball caps lakai taki shae.
Suki itia b, tai laka social media deh ekta official post share kuri bole baji nah ase. Jua sal November mohina deh taki shae, kitia The Daisy Jones & The Six actor para taila pregnancy announce kuri shae. Tai para taila pregnancy tho Corona Capital Festival deh perform kura time deh kui shae. “Mui aji olop shinning kapra laki shae, kile koile mui etu lakai nsh apni kan keh distract kuri bo pari bo kui nah papna deh taki shae,” tai para taila performance time deh kui shae aro taila baby bump keh indicate kuri shae. Tai tho ekta pink glittery dress lakai taki shae. Etu lokot deh tai ekta fluffy jacket aro golden boots lakai taki shae.
Add Comment