Ranking deh Harmanpreet third jaga deh kushise

Dubai, 27 November: Sobse notun ICC women’s T20 International player rankings deh Indian captain Harmanpreet Kaur toh top-five deh kushise. Opener Smriti Mandhana aro Jemimah Rodrigues be tai khan laga career-best rankings pari-kena ase. Etu par Women’s World T20 kothom howah time deh Harmanpreet toh Australia opener Alyssa Healy  laga agae deh second sobse besi pora kothom hoi kena third jaga deh ase. Indian captain pora sob meli kena 183 runs lowah deh 103 run toh New Zealand logode suru tournament khela time deh jeta thakise.  Jemimah toh nine jaga pora othi kena career-best sixth deh ase aro Smriti toh seven jaga pora othi kena 10^th jaga deh ase. Healy toh four slot gamai kena eighth position deh ponjise. Notun ranking deh tusara phal pora otha khan toh Pakistan laga Javeria Khan seven jaga aro Ireland laga  Clare Shillington 19^th jaga deh ase. Bowlers’ list deh Australia’s Megan Schutt pora lead kori kena ase. ew Zealand spinner Leigh Kasperek’s toh seven wickets lowah kari seven jaga pora 3^rd jaga deh ponjise. Finalists England’s Sophie Ecclestone toh 16^th jaga pora fourth deh ase aro fast bowler Anya Shrubsole toh 12^th jaga pora sixth jaga deh ase. Team rankings deh, England pora New Zealand logode jeti kena second jaga deh ase. Top deh Australia toh 283 points pora ase.