South Africa Hockey khelari fund naponji-kena dekthari

Agencies, 27 November: Wednesday din men’s hockey World Cup suru hobole laga deh ekpar hesha thakibo karni South Africa laga khelari khan toh nejor laga pockets pora poisa dee ase. World number 15 South Africa coach Mark Hopkins pora kowah toh, sobse dangor dekthari pai thaga toh South Africa laga deh fund kori ase. Hopkins pora PTI logode kowah toh, “keman par hockey South Africa khelibo eman par phal hobo. Hoilebe ami khan laga challenge toh fund pabole laga ase. Kelay koile besi Test matches deh hesha thakibole paribo karni.” Tai pora aro kowah toh, “ami khan World Cud deh ahha toh khelari khan camps deh thakibo karni nejor laga poisa dekena ahhise. Ami khan laga challenge toh fund pabole laga ase. Ami khan ke olob sponsors powah toh gopal phal ase, hoilebe ami khan ke sponsorships pai thaga toh World Cup laga budget deh pura naponji.”Tai pora aro janaideya toh, tai khan etya tak olob naponji kena dekthari pai ase aro etu dekthari pari thaga thek hoija nai koile khelari khan World Cup trip be debo lagibo.