RBI para Payments Bank Ltd para ‘RBI Guidelines for Licensing of Payments Banks’, ‘Cyber security framework in banks’ aro ‘Securing mobile banking applications logotey UPI ecosysytem’ lagakunba nyom aro kanoon ke namana paisey.
Ekta official bayan hisap te, etu bank laga KYC/AML (Anti Money Laundering) laga perspective para ekta special jaanch kurisey aro RBI para identify kora auditor khan para etu bank laga lamba system audit kurisey.
Etu report khan ke check kora picheyte, RBI para bayan te koisey ki taikhan para etu janisey ki Paytm Payments Bank para payout service diya nimitey entities onboard kora
Etu bi janisey ki Payments Bank Ltd para payout transaction (poisa len den kora) te nazar rakhanai aro payout service luwa company khan laga haath para risk profiting laga kaam kurisey.
Agey barikina, RBI para koisey ki Paytm Payments Bank para kunba customer service advance accounts te end of the day balance laga regulatory ceiling bhangaisey.
RBI para etu bank ke ekta notice pathaisey kuntu te taikhan para RBI para direction diya hisap te kaam kuribole napara karney kinimitey taikhan laga against te jurmana nolobo lagey etu samjhabole koisey.
Payments Bank Ltd para etu show cause notice te jawab diya laga opor te aro personal hearing kora homoitey mukh para jawab diya opor te bhabna kora picheyte RBI tu etu natija te pungchisey ki RBI laga poila para direction diya tu namana laga iljam tu hosa asey aro etu bank laga opor te poisa laga jurmana terabole koisey.
Ageybarikina, RBI para koisey ki Payments Bank Ltd ke penalty(jurmana) dibole kuwa tu taikhan para nyom laga hisap te nochola nimitey asey aro etu bank para taikhan laga customer logotey eku transaction nohoile agreement te gusa nimitey nohoi.
Add Comment