New Delhi, October 31 : Ministry of Road Transport and Highways (MoRTH) para ekta nutun report release kora hisap te, 2021 te 4,61,312 road accident hoisey kuntu te 1,68,491 manu laga jaan jaisey aro 4,43,366 manu jokhom khaisey.
‘Road accidents in India-2022’ koikina ekta report para koisey ki 2022 te road accidient tu 2021 para 11.9% barisey aro accident para manu mora laga case tu 9.4% para uthisey. 2022 te accident para jokhom kha manu laga number 15.3% para uthisey.
Report hisap te, 2022 te desh te total 4,61,312 accident record hoisey aro etu majotey 1,51,997 (32.9%) accident tu national highway(NH) te hoiseykuntu te expressway bi shamil asey. Rajya laga highway khan te 1,06,682 (23.1%) accident hoisey aro baki 2,02,633 (43.9%) tu alag rasta khan te hoisey.
2022 te report huwa 1,68,491 accident para mora mamla te, 61,038 (36.2%) mora tu national highway te thakisey, 41,012 (24.3%) tu rajya laga highway khan te thakisey aro 66,441 (39.4%) tu alag rasta khan te thaksiey.”
Etu annual report tu Asia Pacific Road Accident Data (APRAD) base project laga under te thaka United Nations Economic and Social Commission for Asia and the Pacific (UNESCAP) para provide kora hisap te rajya nohoilebi Union Territory khan laga police department para jankari pa hisap te asey.
Add Comment