April 9, 2024: Robert Downey Jr, Marvel Cinematic Universe deh wapas ahi bole open ase. Esquire lokot lua ekta interview deh, actor para Marvel Gods kan taike dibo mun jai leh, Future deh Tony Stark aka Iron Man laka role play kuri bole kushi para ahi bo kui shae.
“Iron Man tho mui laka DNA nishi nah heh hui jai shae. Utu role para muike choose kuri shae. Aro sabi, mui hotai kui takeh. Kitia b, Kevin Keige laka against bet nakuri b kui nah. Etu tho hara laka bet ase. Tai hotai jiti bo,” Robert para kui shae.
Robert, tai puila laka yat kuri taki shae, tai MCU laka cast lokot taka time deh. Busy shooting schedules kan taka time deh b taikan ekta celebratory dinner lui nah ekjun ekjun lokot deh close hui shae. “Etu tho ekta last time taki shae, franchises para sob manu ken keh eku lokot diki bole. Aro mui yat ase utu rati tho ekta special rati taka tho,” Robert para kui shae.
Robert para tai, taila co-stars kan lokot equations taka tho – Gwyneth Paltrow (Pepper Potts, Tony Stark’s wife), Chris Hemsworth (Thor), Mark Ruffalo (The Incredible Hulk), Scarlett Johansson (Black Widow), Chris Evans (Captain America), aro Jeremy Renner (Hawkeye) – bishi tight para knit kuri nah taki shae kui shae. Kile koile Hollywood history deh time first, taikan eki lokot kam kuri shae ekta cinematic universe bana bole.
Add Comment