Rome deh 20 pora be besi manu jokhom paise

Agencies, 24 October: Firefighters pora janaideya hesab deh, Tuesday din central Rome, deh metro station  laga escalator phangka karni 20 pora be besi jun jokhom paise. Italian media pora aro janaideya toh, besi phak manu toh jokhom paise aro ek-jun manu toh thenk ke ektum serious pora jokhom khaise koise. Khobor hesab deh ekjun manu nesha hoi kena jump marikena aro dance kora karni escalator phanga ase. Hoilebe supporters khan pora etu toh howah he nai koise. Hatsa howah jaga deh Rome mayor Virginia Raggi pora journalist logode janaideya toh, ke-ke hatsa hoise koile be tai khan buchipai ase aro tai khan jokhom powah manu aro tai khan laga families logode support koribo koise. Investigation toh jai ase aro Rome’s Termini train station osor laga metro station toh bondh koridese. Etu katharnak hatsa toh Champions League match Italy’s Roma aro Russian club CSKA Moscow majode nakhela agae deh howah ase.