Shillong: Meghalaya Police kan laga effort kan karney aro ekta drug trafficking case deh dhura kaishey. April 30 deh police ba Rs 2.1 crore worth laga drugs seize kurishey aro ekta interstate drug trafficker ke dhurishey. Meghalaya CM Conrad Sangma ba X (Twitter) deh praise kurishey Meghalaya Police ke. Taiba likishey ke, “Kudos @ejhpolice ke Rs 2.1 crore worth laga illicit drugs ke recover kura karney aro interstate drug trafficker ke dhura karney. Etu toh 2nd drug case crack kura ase teen din laga bitor deh! MeghalayaPolice ba DrugsFreeMeghalaya laga vision opor deh hardwork kura toh appreciate kuriase @HMOIndia @narcoticsbureau.” Etu toh teen din laga bitor 2nd drug case crack kura ase. 2024 laga run-up Lok Sabha election, Chief Electoral Officer of Meghalaya ba report kurishey seizure bhorta state laga bitor deh hwa laga Model of Conduct logot. Seizure kan March 19 aro April 4 2024 laga majot deh hwa kan deh cash, liquor, drugs, freebies aro alag item kan bi include kurishey. Etu action kan toh electoral authorities laga effort ase malpractice kan prevent kuriboley aro election process laga integrity rakhiboley. Seizure kan etu period deh hwa laga list toh, Cash worth Rs 3.87128 Lakhs, 27,348.37 litres liquor laga daam toh Rs 42.56995 lakhs, 123,936.91 grams laga drugs worth Rs 139.08918 lakhs, 1345 freebies daam Rs 0.6568 lakhs aro alag saman khan Rs 292.90801 lakhs laga. Etu important effort toh authorities laga commitment, electoral processtoh sapa aro candidates kan karney bhaal ekta playing field set kurey. Lok Sabha election kan osor aha nimey deh enaga proactive measure lwa kan ba voter kan laga opor deh eku influence ahibo nidey.
Rs 2.1 crore worth laga drug kan dhurakaishey, ekta manu ke dhurishey
Add Comment