London, 17 June : NATO toh bishi nuclear hatiyar deploy kuriboley khota kuri asey, storage laga bahar ulaina itu ke standby dey rakhiboley, Russia aro China logot uthia thaki risk maju dey, alliance laga head para Monday dey kuishey.
Jens Stoltenberg para Britain laga Telegraph newspaper ke kuisheh ki members maju dey live consultations asey, ekta deterrent nishna nuclear arsenal ke transparency chulawoley.
Stoltenberg para jaa haafta kuishey ki nuclear weapons toh NATO laga “ultimate security guarantee” asey.
Russian President Vladimir Putin para repeatedly warn kurishey ki Moscow para extreme circumstances dey nijor ke defend kuriboley nuclear weapons chulawo. Itu para U.S. aro European allies ke podnam di asey, Ukraine ke billions dollars laga weapons dina duniya ke nuclear confrontation laga osor dey ania karoney, kuntu dey kunwa toh Russian territory laga khilaf chulai asey.
NATO, kuntu para Kyiv dey arms supplies coordinate kuria dey dangor role luishey, weapons laga publicly eman khota nakui, juti jaani asey ki U.S. para Europe dey bishi locations dey nuclear bombs deploy kurishey.
May 14, 2026
World's First and Only Nagamese Newspaper
