New York, 17 June : US dey authorities para ekta jawaan logot gunfight laga ekta bodycam video release kurishey, kun para tai laga maa baab ke murai dishey. Itu ghatna Tampa, Florida dey huishey, kitia Hillsborough County Sheriff laga Office para officers khan itu 19-saal jawaan laga ghor pahunjishey, New York Post laga hisab dey. Itu sheriff laga office para itu jawaan ke Christos Alexander Themelis Junior kuina identify kurishey aro tai laga 51-saal baba Christos Byron Themelis ke ghor pitor dey golee marishey aro tai laga 48-saal ama Rebecca Ann Themelis ke officers laga agey dey front lawn dey golee marishey.
Ekta gunfight piche dey, itu jawaan ke 11pm piche dey golee marina murai dishey Saturday dey, itu outlet para law enforcement agency ke quote kurina kuishey.
Officers khan emergency number 911 dey Rebecca Ann Themelis para ekta “frantic” call kuria piche dey itu ghor pahunjishey. Tai para operator ke kuishey ki tai laga mota bacha para tai laga mota ke golee marina murai dishey.
Kitia officers khan itu ghor pahunjishey, taikhan para itu mahila dey taikhan laga phaney biraina ahiwoley kuishey. Huilewi itu jawaan para tai lawn dey thakia homoi mercilessly tai laga matha piche dey golee marisjey. Tai itu piche dey officers khan ke open fire kurishey.
Itu crossfire dey, deputy Shane McGough, 26, theng dey golee lagishey, Post para authorities kua quote kurishey.
Mr McGough ke life-saving measures administer kuria piche dey ekta local hospital dey lui jaishey.
Christos bhi itu gunfire homoi golee lagishey jokhum huishey. Tai ghor pitor dey ghusishey aro nijor ke barricade kurishey.
Kitia sheriff laga SWAT team itu ghor pitor dey ghusishey, officers para Christos aro tai laga baba murina thakia paishey. Itu jawaan toh itu shoot-out homoi jokhum hua karoney muria phabna kuri asey.
US jawaan maa baab ke murai dishey, Officers ke golee marishey
