‘Sarfarosh’ film laga 25th anniversary te Mumbai te special screening hobole asey

New Delhi, May 08 : Aamir Khan tu desh laga sobsey dangor aro ekdam bhal superstar majotey ekta asey. Kun para etya tak laga kunba sobsey dangor hit film disey. Tailaga sob hit film majotey ‘Sarfarosh’ film ekta asey kuntu 1999 te release hoisiley. Etu film laga 25^th anniversary 30^th April te manaisey. Etu occasion laga yaad te, Mumbai te ekta special film screening rakhibole asey kuntu ke Aamir Khan, tailaga co-star Sonali Bendre aro dusra team member khan attend kuribole asey. ‘Sarfarosh’ film laga special screening tu Friday, May 10 te Mumbai laga PVR Juhu te organise kuribole asey. Etu screening te film director John Matthew Matthan, music director Lalit Pandit, Naseeruddin Shah aro Nawazuddin Siddiqui para attend kuribole asey. Etu film laga actor aro crew member khan ke felicitate kuribole asey aro ‘Sarfarosh’ film logotey jurikina thaka taikhan laga memories khan share kuribole encourage kuribole asey.  Etu film laga screening tu hosa te bi ekta special wala hobole asey. Kilemaney etu tu bisi lamba homoi picheyte audience khan ke dikhabole asey. Aro etu film te Aamir Khan laga performance ekdam bhal thakisey.