New Delhi, 23 April : Two-time Asian Games gold medallist Saurav Ghosal para janai dishey ki tai professional squash para retire hui asey. Ghosal, 37, ekta lamba statement social media dey post kurishey kutey kuishey ki tai professional tour para ulai jai asey huilewi India karney khiliwoley chari rakhibo mun.
Ghosal toh tai ekela Indian thakishey kun Professional Squash Association world rankings laga top 10 dry ghusishey, aro April 2019 dey world No 10 tak uthishey. Ghosal para itu rank six mahina karney dhurishey. Itu veteran 10 PSA titles jitishey kitia tai laga jaa par jeet Malaysian Open Squash Championships dey ahishey November 2021 dey. Overall, Ghosal 18 finals pahunjishey aro PSA tour dey tai laga 511 matches dey para 281 jitishey.
Ghosal logot 13 Indian Nationals titles jeet laga ekta record bhi asey, kuntu dey last wala toh 2020 dey paishey. Tai toh Indian teams laga ekta part thakishey kuntu khan 2014 aro 2022 Asian Games dey gold jitishey. Ghosal para mota laga singles silver bhi jitishey, Asiad events tuita dey bhi.
Add Comment