Sports

T20 World Cup Squad, 6-Time IPL Winner para

April 25, 2024
2 Views

Mumbai, 24 April : Indian Premier League (IPL) laga chuli thakia season dey, India captain Rohit Sharma toh BCCI selectors ke itu haafta log pawoley expect kuri asey, ahi thakia T20 World Cup karney squad discuss kuriboley. ICC para participating teams karney squad submission laga deadline toh May 1 rakhi dishey. Kitia India laga T20 World Cup 2024 squad selection karney deadline pahunji asey, several experts para eki dey taikhan laga views share kurishey. Former India aro Chennai Super Kings (CSK) batter Ambati Rayudu para World Cup karney tai laga 15-man probables uthaishey.

Star all-rounder Hardik Pandya, kun IPL laga chuli thakia season dey tai laga performance karney scanner andar dey asey, Rayudu laga 15-man squad para notable absentees maju dey ekta asey.

Hardik para itu season dey agey par MI ke lead kuri asey, Rohit Sharma ke captain nishna podli kurina, huilewi tai laga captaincy aro performance toh below-par asey.

Kitia report kurishey ki BCCI para notun IPL performer pick nakuribo parey, Rayudu para LSG tearaway pacer Mayank Yadav aro Rajasthan Royals all-rounder Riyan Parag nishna predicted squad dey uthaishey.

Mayank, tai laga IPL career dey ekta bhaal shuruwat kurina, bishi manu para back kurishey ahi thakia T20 World Cup dey feature kuriboley Americas dey, kuntu June 2 dey shuru hui asey.

Kitia batting department dey eman surprises thakianai, Rohit Sharma, Yashasvi Jaiswal, Virat Kohli aro Suryakumar khan top four thakina, Rayudu para Rishabh Pant, KL Rahul aro Sanju Samson ke keeper laga role karney hatai dishey.

Tai veteran Dinesh Karthik ke wickets rakhiboley chunishey. Karthik toh bat logot sobse bhaal seasons ekta enjoy kuri asey, juti tai laga franchise RCB toh points table para niche dey asey.

Bowling department dey, Rayudu toh  three spinners aro four pacers laga combination logot jaishey.

T20 World Cup 2024 karney Ambati Rayudu laga India squad :

Rohit Sharma (C), Yashasvi Jaiswal, Virat Kohli, Suryakumar Yadav, Dinesh Karthik, Rinku Singh, Shivam Dube, Riyan Parag, Ravindra Jadeja, Yuzvendra Chahal, Kuldeep Yadav, Jasprit Bumrah, Mayank Yadav, Arshdeep Singh aro Mohammed Siraj.