New Delhi, March 20 : Actor Sidharth Malhotra para 2012 te Karan Johar laga Student of The Year logotey tailaga dangor Bollywood debut banaisey. Hoilebi, etu film tak pungchibole laga tailaga journey tu bisi mushkil thakisey. Tai tu etya Kiara Advani ke shaddi hoikina asey. Tai para share kurisey ki tailaga first pay cheque tu ekta ad campaign para paisey aro salary tu Rs 2500 para Rs 3000 tak thakisey.
News18 laga Rising Bharat Summit te onstage conversation kora te, Sidharth para share kurisey ki ekta agency para taikey acting kuribole encourage kurisey. Tai para share kurisey ki tailaga journey bi mushkil thakisey. Aro etu tu eman asan thakanai. Jitya ami para ekta agency laga recommendation te ekta audition nimitey jaisiley ami tu 20-21 years thakisey. Taikhan para paper te amilaga chehra dikhisey.
Jitya taikey tai newspaper te kinaka olaisey etu hudisey tai para jawab disey, “ Ami tu fashion modeling, walk kuri thakisey, taki ami laga photo tu designer kapra te paper te olabo. Ami para ekta Samsung mobile campaign nimitey ekta advertisement kurisiley. Taikhan ke ekjun chukri aro ekjun chokra lagi thakisey. Amilaga first pay cheque tu Rs 2500 nohoilebi Rs 3000 thakisey.
Sidharth para agey barikina koisey ki kinaka Anubhav Sinha para Adlabs film agency laga through para nutun chehra launch kuri thakisey aro tai para Sidharth ke ekta project nimitey train kuri thakisey. Sidharth, kun para Shershaah, Brother aro Kapoor & Sons nisna dangor film kurisey tai para kosiey ki jitya actor khan kaam nimitey desperate thakey taikhan para kiba ekta alag kuri dikhai. Aro enaka kurikina tai tu film khan te Assistant Director job nimitey apply kurisey.
Add Comment