Sensitization training loishey Nagaland laga stakeholder khan nimitey

September 20, 2024, 04:30 PM: Dui din training loishey, iRAD/e-DAR opor tey, Nagaland laga stakeholder khan nimitey, itu Nagaland Road safety Authority laga aegis under tey, 20^th para 21^st September tak tey, Kohima laga Hotel Vivor tey. Itu training toh hoiley itu Motor Vehicles Department para organize kurishey, Ministry of Road Transport & Highways (MoRTH) aru Nagaland State Centre (NIC) logotey collaborate kuri kena, itu NICSI Central Team logotey. Itu event tey, Transport Department laga Secretary – Robert Longchari para itu critical role emphasize kurishey, raasta toh ki role play kurey moi khan laga daily life tey. Tai para highlight kurishey ki, raasta para lamba jawa jaga toh khata kuri diya laga koishey tai para, tai para bishi hoi thaka life laga risk khan laga bhi koishey, aru jokhom khan hoa laga. Tai para inform kurishey ki, District Road Safety Committee khan toh hoiley Nagaland tey establish hoi kena asey, aru Road Safety Programme khan implement kuri kena asey hudai saal tey. Robert Longchari para aru bhi koishey ki, iRAD/e-DAR thaki kena, itu integrated data toh phat para information khan diye, accident khan report kuria tey aru raasta tey accident khan hoa opor tey systematic mechanism asey, processing nimitey, sob toh electronical para enable kuri di kena asey, itu para victim khan ke mon aram kuribo aru misa mishi para claim khan kuria ke bhi check kuriboley paribo. Transport Commissioner, Elias T. Lotha para tai laga keynote address ke state kurishey ki, itu Nagaland Road Safety policy toh hoiley 2017 tey adopt kuria laga asey, raasta laga safety lagi thaka ke address kuriboley aru raasta laga improvement kuriboley itu state tey.