Canada, 13 November: Ekta Indian-origin mota aro tai laga mota bacha kae murai di bichide Canada laga Edmonton tae joa hafta, police para Monday din tae ekta video release kurishae suspects khan laga aro tai kahn laga gari social media tae hope khan rakhi kina kunba additional information khan pabolae karoney etu incident kuntu hoishey utu karoney.
November 9 tae, ekta Indian-origin sikh mota, kuntu describe hoi kina ase “higher level figure” organised crime scene Canada tae, aro tai laga 11 year old mota bacha, tai junk ae shoot kurishey ekta osor gas station Edmonton tae. Police khan para etu kae ekta “sick aro twisted” koishey aro etu toh ekta escalation ase gang vilonce laga city tae.
Ekta press release tae, police khan para koishey tai khan hope kurey ase etu video para kuna kae help kuribole paribo yaat ahibolae etu gari nahoi lae suspects khan kae dika laga before nahoi lae after shooting hoa bichide.
“kitya pa toh ekta insignificant detail bi bishi help kuri bole paribo moi khan laga investigation khan tae,” police para enika koishey.
Police laga esab tae, suspects khan toh ahishey ekta black BMW SUV tae. Etu tuita toh gari para pahar olai shae, Harpreet singh uppal laga white SUV laga osor tae pulai kina jaishey, weapon ekta fire kurishey aro scene para polai jaishey.
Police khan para agate mention kurishey Uppal toh ekta”higher-level figure” ase Edmonton laga organised crime scene tae hoilabe decline kurishey kubolae tai toh eku specific groups khan logotae affiliate ase nan ai, Edmonton Journal laga report laga esab tae.
Hoilabe, sources khan para postmedia kae koishey Uppal toh ekta prominent brothers keepers associate thakishey. Tai laga murder toh believe ase ekta part war laga united nations gang aro BK laga beech tae.
Etu mota bacha laga sathi, kun uppal laga gari tae thaki shae utu time tae, survive hoishey eku physical injuries natakey kina.
Ekta senior police official para koishey police khan para najaney etu shooter nahoi lae shooters khan para etu bacha khan kae jani kina thakishey nan ai gari tae thaka laga toh kitya tai khan para uppal laga biche kuribole start kurishey.
“Hoilaebi moi khan Janae absos para, etu shooter nahoi shooters khan para kitya jani shey etu tai laga bacha bi ase, tai khan para intentionally tai kae bi shoot kuri kina tai kae bi murai dishey,” Edmonton journal para quite kurishey kuntu police official para koi thakishey.
Add Comment