July 24, 2021. Assam Police para sob melaikena 42 bacha khan ke human traffickers laga hath para Sikkim-West Bengal border osor te pachaise. Etu bacha khan ke Assam Chirang district laga tinta(3) bosti para othaikena jowa ase koishe. Friday din rescue operation thaka samai tai khan ke paishe. Chirang Police para tuita human traffickers ke etu case aro ek jun ke dosura case te Krishna Yogi koikena thurishe. Etu thurikena thaka manuh khan toh Chirang Police laga hath te ase koishe. Assam chief minister Himanta Biswa Sarma para etu bacha khan logot Administrative Staff College, Khanapara te meeting korishe. Etu meeting te state director general of police (DGP) Bhaskar Jyoti Mahanta, IGP, CID, other top Assam Police officials aro Bodoland Territorial Region chief Pramod Boro, samil thakishe. Operation kora samai, Special DGP LR Bishnoi and Chirang superintendent of police Gaurav Upadhyay, the Assam Police para tin(3) din pithor te etu bacha khan ke paboli parishe. Etu bahca khan toh 8-18 umer ase aro tai khan toh Adivasi, Bengali aro Bodo communities thakishe koishe. Chief minister Sarma para koishe ke, sob melaikena 80 bacha khan ke traffickers para bhal education thiboli koikena loi jaishe, hoilebi tai khan ghor te kam koriboli thishe. Sarma para Assam Police logot congratulated janaishe.
Sikkim-Bengal border te 42 bacha rescue korishe
