GANGTOK | January 12: Sikkim Chief Minister Pawan Kumar Chamling pora Saturday te ‘One Family, One Job’ scheme toh launch korise. Etu laga maksat toh state te thakiya sob ghor manu khan, kon government job te nai, tai khan ke ghor te ekjun ke government job dibo nimi te ase.
Independent India te sobse deiri boha Chief Minister pora nijor laga haat pora temporary appointment letters toh state pora 32 Assembly constituencies laga ekta constituency te ekjun ke dise. Etu toh state te, etu scheme toh shuru koribo nimi te Paljor stadium te ‘Rojgar Mela 2019’ te korise.
Chamling laga Sikkim Democratic Front government pora khota dise ki 20,000 youths toh etu scheme laga nije te pora temporary jobs toh phat pabo.
Tai logot jor pora khusi pora “Pawan Chamling Zindabad’ koikena jila te, Chief Minister pora koise ki temporary/ad hoc appointments etiya diya toh panch saal laga bithor te regularised koribo arotai khan sob permanent government employees hobo.
Etu notu recruits khan toh government laga 12 departments laga nije te loise.
(IANS)
Add Comment