January 12: All Assam Students’ Union (AASU) laga student body chief adviser Samujjal Bhattacharya milai kena aro North East Students’ Organization laga delegates khan Tripura te Thursday te jaise kilekoile Citizenship Bill laga khilaf prostest kora samoy te goli pora jokhom powa manu khan logote lo koribole. Hoilebi, notun khobor paise ki etu students’ body laga members khan Tripura laga maati poncho saath jokhom powa manu khan logote log pabo pora mana korise.
Regional news web portal, The Sentinel pora khobor korise ki, Tripura laga indigenous youth khan controversial Citizenship (Amendment) Bill, 2016 laga khilaf West Tripura laga Madhabbari aro osor areas te January 8 te protest kori thakise. Tripura Police pora protesters khan ke rukhabo nimi te tai khan ke open fire korise etu pora konoba students jokhom paise. Khobor laga hisab te, 15 nisina students toh jokhom paise aro 6 jun ekdum biya condition te ase.
Bhattacharya pora loikena student body leaders khan, Tripura laga halat kenika ase jabo nimi te aro local manu khan logote log pabo nimi te ponchise, hoilebi etu pora bar jabo para nai kile koile tai khan ke Agartala laga Khumulwng te police khan pora rukhai dise.
Student body, tai khan protest kora samoy te, police logot Khumulwng te chakara hoise aro police pora lathi charge aro blank fire protesters khan ke khetaibo nimi te korise. Police pora rubber bullets aro tear gas protesters khan ke khetaibo nimi te jolaise.
Etu opor te, CrPC laga Section 144 toh state laga Madhabbari aro osor jakka te lagaise. Internet aro SMS services bi kaati dise.
Add Comment