Sikkim: ekta labourer matea gere kena more jai she

Gangtok, February 1, 2026: Ekta 50 sal hajara kurea manu, mati tai laga opor te gere kena, mure jai she. Tai khan rasta dangor kure bole laga kam kure thake she koi she, Gangtok district te, January 31 te. Officials khan laga hesab te, etu rasta adngor kurea laga kam toh Makha outpost laga osor te kure thake she, achanak para mate gere kena, ekta labourer ke phasai de she mati laga betor te. Bacha bole laga operation juldi shuru kure she, JCB laga modok para mati toh khodai she, hoi le be tai ke pa toh mure kena thake she koi she. Murea laga nam toh Harka Bahadur Sanyasi ase, aro tai toh Rhenock te buhea koi she. Tai laga body toh District Hospital, Singtam te pathai de she, kute post-mortem khan kure she. Police khan koi she ki, ekta case toh register kure de she, aro investigation khan etia ja ase.