Gangtok, March 12 : Sikkim Democratic Front party para Tuesday(March 12) te announce kurisey ki Sikkim te Citizen Amendment Act (CAA) implement hoisey. Etu tu Union Home Minister Amit Shah para Parliament te aro Sikkim laga raksa kora Article 371 F ke nazar rakhikina biswas dila laga olta asey.
Sikkim government logotey Article 371 F laga under te ekta resolution pass kuribole aro rajya te CAA implement hobole nidibole laga authority thakisey, hoilebi taikhan para enaka kuribole nakamyab huwa nimitey CAA tu implement hoijaisey.
Etu para rajya te bahar para aha manu laga number bisi hoijabo kun khan tu etya Sikkim te boha manu khan nisna ekey haak enjoy kuribo.
Dusra fale, aji kali BJP join kora Social aro Political activist Passang Sherpa para Sikkim Union Home Minister para Parliament te behes kora te remark diya laga opor te kotha koisey.
Indian Constitution laga Article 371F para Sikkim ke ekta special provision disey kuntu te Indian Union laga bhitor te Sikkim ke unique status aro autonomy(nijor faisla lobole pariya lagahaak) disey. Hoilebi, Home Minister Amit Shah para biswas dila laga bawajut bi CAA ke rajya te implement nohoilebi reject kuribole laga faisla tu etya state assembly logotey asey.
