GUWAHATI: Khliehriat Police Reserve, Meghalaya’s East Jaintia Hills district te IED blast howa te police para Hynniewtrep National Liberation Council (HNLC) laga 4 jun suspected overground khan ke thurishe , koikena Tuesday din officials para janaishe. Etu blast toh HNLC militants para July 14 darik te hamla kora ase aro etu samai havildar ek jun jokom paishe. “East Jaintia Hills District Police para 4 jun HNLC overground workers khan para Police Reserve, East Jaintia Hills District te IED blast te samil thaka nemite thurishe,” koikena Asstt Inspector General of Police (AIGP), G. K. langrai para statement te janaishe. Tai para aro koishe ke, etu manuh khan toh gari ekta te Police Reserve te jaikena IED bomb toh raki thishe. “July 13 aro 14 darik laga rathi te bomb toh putishe aro etu samai police building beya hoikena police personnel 1 jun jokom paishe,” koikena AIGP langrai para khobor toh janaishe. Police para aro tui(2) jun HNLC militants, kaun khan para 2019 saal te IED bomb toh Coke factory, Khliehriat te putiashe tai khan ke be thurishe koishe. “etu case laga investigation toh itya be jai ase aro dosura manuh kaun etu organization logot melikena case te ase samil ase pesari ase,” koikena police officials para janaishe. Wednesday din tuita(2) suspected HNLC rebels ke etu blast connection te thurishe koishe.
Sikkim te 97 Delta variant khobor paishe
