Singapore Open: PV Sindhu, Saina Nehwal Quarterfinal Ponchise, Parupalli Kashyap Toh Kirise

PV Sindhu toh Singapore Open laga women’s singles quarterfinals te Denmark laga Mia Blichfeldt  logote khilaf Thursday te straight games te jitikena ponchise. Sindhu pora khali 39 minutes te world number 22 ke 21-13, 21-19 pora harai dise. Etu Olympic silver medallist toh ahiya khel te China laga Cai Yanyan logote khilaf quarterfinal te logpabole ase. Saina Nehwal pora Thailand laga Pornpawee Chochuwong  logote khilaf second round te 21-16, 18-21, 21-19 pora haraikena quarterfinals te ponchise. Jowa habta, Chochuwong pora Saina ke Malaysia Open laga pohoila round te 20-22, 21-15, 21-10 pora haraise. Aalag haat te, Parupalli Kashyap, kono pora Japan lagaYu Igarashi ke 15-21, 21-16, 22-20 pora qualification laga final round te haraikena main draw te jaise, toh China laga Chen Long logote khilaf second round te 9-21, 21-15, 16-21 pora harikena bahar hoi jaise. Defending Olympic champion pora Kashyap ke 71 minutes te haraise.