Amsterdam: Wednesday te Champions League laga quarter-finals laga 1st leg match te Ajax aro Juventus laga match toh 1-1 para draw hoishe. Cristiano Ronaldo para Juventus nimite match laga poila adha te Juventus khan nimite goal mari dishe. Hoile bhi match laga poila adha toh khotom nohuwa agote he Ajax para goal mari de kena match toh 1-1 para khotom hoishe. Etu match toh Amsterdam te hoishe.
Juventus toh Ajax khan khilaf te match laga poila adha pra he ek kadam agay hoi jaishe. Etu goal toh Juventus khan nimite Portuguese forward Ronaldo para mari dishe.
Juventus coach Massimiliano Allegri para koishe ke Ronaldo toh aro bhi dekhai dishe ke Ronaldo toh ekdam ucha player ase. Ronaldo para khela laga tarika toh dusra players khan para ekdam alak ase.
Ajax toh match laga poila adha round toh khotom hubole khali tis (30) seconds he bachi kena thaka samay te David Neres para goal mari dishe.
Sources koishe ke etu result nimite Serie A side toh semi finals te agay jabole nimite ekdam bhal jaga te ase. Hoile bhi Juventus toh Ajax khan para Real Madrid khilaf te 4-1 para jeeta toh tai khan yaad ase.
Ronaldo toh Champions League laga agay laga match te Atletico Madrid khilaf te hat-trick mari dishe. Ronaldo toh Ajax nimite goal mari de kena Champions League te ti nijor laga 125th goal mari dishe.
Add Comment